UONGOZI MBOVU NDO UMESABABISHA HAYA:

Idadi ya vijana wasiokuwa na ajira inazidi kuongezeka, elimu katika mashule yetu inazidi kushuka. Huduma katika hospitali zetu na katika vituo vya afya ni mbaya kiasi cha watu kutumia mitishamba.

Sote tunajua kuwa maeneo mengi hapa nchini hawana chakula na watu wanaishi kwa mlo mmoja tu kwa siku, bei ya vyakula sokoni imepanda na thamani ya shilingi yetu imeshuka kuliko kipindi chochote kile tangu nchi hii ipate uhuru.

Uzalishaji viwandani umeshuka, na hakuna shirika la umma linalifanya vizuri, hakuna hata ndege kubwa ya serikali inayoruka. Aibu kubwa hii!!!

Kilimo kwanza ni wimbo uliotungwa, lakini hauna mchezaji wa wimbo huo. Hakuna ongezeko la mazao ya chakula na biashara ukiuliza unaambiwa ni ukame. Hivi wakati wanatunga huo wimbo hawakujua kuna ukame???

Giza!!!! Jamani Giza!!! Ni miaka takribani 50 ya uhuru wan chi hii nchi ni giza kila siku kwa mgao usioisha. Wakati huo viongozi wanazunguka duniani kutafuta wawekezaji. Je wawekezaji watawekeza gizani?

Kuna watanzania wameiba pesa za wananchi! Mafisadi wanatanua tu mitaani kama mabingwa wa ligi Fulani. Ukiuliza unajibiwa hakuna ushahidi wa kuwatia hatiani

Askari polisi kuuwa raia wasio na hatia imekuwa ni jambo la kawaida. Wamachinga wamepigwa risasi Mwanza lakini ikaonekana uchunguzi utafuata!! Wapi nyie mnaua watu?

SUGU ALONGA!

Jana tarehe 8 Julai 2011 Polisi walinikamata kwa kile walichokiita kuwa ni kufanya mkutano bila kibali.Hata hivyo, mtiririko wa matukio unaonyesha kwamba polisi walisukumwa na sababu nyingine kwa kuwa suala la taarifa kupelekwa polisi kama sheria zinavyohitaji lilishashughulikiwa na viongozi wa CHADEMA mkoa na wilaya ya Mbeya Mjini.
Leo tarehe 9 Julai 2011 pamoja na kutolewa kwa dhamana polisi wameonyesha nia ya kutaka kuzuia tamasha la wazi la bure ( ‘Burudani Nyumbani’) ambalo wasanii mbalimbali walikuwa walifanye kwa mwito wangu kwa ajili ya kutoa burudani na kuhamasisha maendeleo. Polisi wameonyesha vitendo vya kutaka leo kufanyike tamasha la fiesta pekee wakati ambapo matamasha haya yote mawili yameandaliwa na wadau tofauti katika maeneo tofauti.
Mpaka wakati huu ninapotoa taarifa hii wananchi wengi wamejikusanya katika uwanja wa Ruanda Nzovwe ambao ni maarufu kama Uwanja wa Dr Slaa wakisubiri tamasha hilo lakini polisi wameonyesha dhamira ya kutaka kuwatawanya.
Maneno na vitendo vya Jeshi la Polisi vinaelekea kuwa na uhusiano na kauli ambayo niliitoa hivi karibuni kupitia mtandao wa Facebook ya kutohitaji tamasha la Fiesta kufanyika Mbeya.Katika mazingira haya ni muhimu nikaeleza tu kuwa kauli yangu kuhusu Fiesta ilikuwa na madhumuni ya kuanzisha mjadala kuhusiana na suala zima la wizi na unyonyaji uliopo kwenye Sanaa, ambao sio tu unawanyima haki Wasanii, bali pia kukosesha mapato kwa Serikali ambayo yangetokana na kodi kupitia Sanaa ikiwemo muziki.
Nilifanya hivyo baada ya tamasha hilo kutangazwa kufanyika katika eneo ambalo wananchi wamenipa wajibu wa uongozi wa kuwatumikia na kuwawakilisha. Hivyo kwa niaba ya wananchi wa Mbeya Mjini wanaokosa mapato katika sanaa na wasanii wa Mbeya wanaokosa fursa kutokana na vikwazo nilichukua uamuzi wa kuwakilisha kupaza sauti kama ambavyo nimekuwa nikipaza sauti katika masuala mengine yanayogusa umma kama viwanda, kilimo, barabara za Mbeya Mjini na Haki za wanafunzi wa Elimu ya Juu pamoja na makundi mengine katika jamii.
Niliamua kupaza sauti katika hili kupitia Fiesta, kwa kuwa waandaji wake kimsingi ni sehemu ya vyanzo vya maovu kwenye maendeleo ya muziki hapa nchini. Fiesta ikiwa kitovu cha uonezi kwani hata Wasanii wanaoshiriki halipwi ipasavyo au hawalipwi kabisa. Na hii ni kutokana na wao kutumia njia haramu kuhodhi (monopolise)biashara ya muziki hapa nchini, huku wakiwanyima nafasi watanzania wengi kutumia vipaji na ubunifu wao kwenye biashara ya muziki.Waandaji wa Fiesta ndio wenye redio ya Clouds, Kampuni ya promotion ya Primetime, na pia wanahusika na N.G.O ya THT, waandaji wa matamasha ya injili, ikiwemo kuwa na ushirika katika Tamasha la Pasaka.Huku wakiwa na ushawishi wa hila kwenye Kili Music Awards (One Call Promotion) na mambo mengine yote muhimu yanayohusu Sanaa. Ikiwemo ujumbe wa bodi kwenye Tamasha la majahazi, Zanzibar. Lisingekuwa jambo baya kama wangetumia nafasi hizo kwa haki na maendeleo ya sanaa.

Kutokana na haya, kwa miaka mingi himaya (“empire”) hii imetumia nafasi yake dhalimu kukandamiza watu wengine hasa Wasanii. Kwa mfano kama Msanii hayupo kwenye hiyo “himaya” yao basi hana nafasi ya kutimiza ndoto yake. Na iwapo Msanii hakubaliani na taratibu zao au malipo finyu wanayowalipa Wasanii, basi watahakikisha wanampiga vita na hatimaye kuhujumu usanii wake ili atoweke, kwa kuwa tu hakubaliani nao. Msanii hana haki ya kufanya majadiliano ya kibiashara mbele yao. “Empire” hii imehodhi mpaka makampuni ya udhamini hapa nchini, ambapo makampuni haya yamekuwa magumu kutoa udhamini kwa wadau wengine kwa kuwa tu wao ni washirika wa “Empire” hii.
Walifikia hatua ya kuhodhi mpaka biashara ya usambazaji kwa “Wadosi” ambapo bila ya wao kuruhusu basi Msanii yeyote kazi yake haipewi nafasi ya kusambazwa wala kusikika. Hata kama nyimbo au album yake ni nzuri kwa kiasi gani.Kibaya zaidi wamehodhi mpaka nia njema ya Rais Kikwete katika kusaidia Sanaa na Wasanii. Mfano ni Studio ambayo Rais kupitia Bunge Tukufu la Jamhuri ya Muungano alitangaza kuwa amewapa Wasanii wa Tanzania, lakini baadaye tukashangaa kusikia ipo mkononi! Pia Rais aliahidi na kutoa nyumba ya Serikali kwa Wasanii ambayo ingetumika kuendeshea Studio husika, lakini nyumba hiyo ya Serikali iliyotolewa na Rais sasa iko chini yao na ndio makao ya THT! Wamefanikiwa kumhadaa Rais kuwa wao ndio “Care takers” wa Sanaa ya Tanzania akawaamini na wao wanaitumia vibaya imani njema ya Rais kwao kufanya dhuluma.

Yote niliyoyataja juu, japokuwa hayo ni kwa uchache tu! Yanalalamikiwa sana na wasanii wengi na wadau hapa nchini, japokuwa wengi wameshindwa kujitokeza waziwazi kutoka na vitisho vya watu hawa. Vitendo hivyo wanavyofanya vimeleta madhara katika tasnia ya sanaa na matokeo yake ni kudumaa kwa maendeleo ya muziki hapa nchini. Vijana wengi wanaojihusisha na sanaa wamepoteza matumaini. Wengi walipata tegemeo la ajira kupitia muziki, lakini hali haipo hivyo tena. Vijana wengi wasanii wamekata tamaa kwa ajili ya ukandamizaji wa “empire” hii.
Na sio tu wasanii na wadau wengine wanawapoteza katika hili. Kwa watu hawa kuhodhi na kuvuruga kabisa biashara ya muziki, hata Serikali inapoteza fedha nyingi kupitia kodi. Kwa mujibu wa utafiti wa Dr. Jehovaness Aikaeli ambaye ni mchumi wa UDSM, hata katika hali hii mbaya ya biashara ya muziki, Serikali imepoteza Tsh. Milioni 18, kwa kutokusanya kodi kupitia muziki tu, ukiachilia mbali filamu na sanaa nyingine. Na iwapo hali itaboreshwa basi kodi hiyo itapanda mpaka wastani wa Tshs. Bilioni 50 kwa mwaka! Hizi sio pesa kidogo kwaserikali, hasa ukizingatia bajeti ya Wizara inayohusika na Utamadnuni ni Tsh bilioni 14, kwa mwaka, fedha ambazo mara nyingi hawapewi zote kutokana na Serikali kutokuwa na fedha ya kutosha! Lakini hapa utaona kukwa kodi ya mwaka peke yake ingetosha kwa bajeti ya Wizara na ziada kubwa ingebaki kwa miradi ya maendeleo kama kujenga Art Theatres n.k
Napenda ieleweke wazi kwamba mimi binafsi ni “Mhanga” au “victim” wa uharamia wa “himaya” hii kwa miaka mingi, tukupitia migogoro kadhaa ya kibiashara lakini kilichonisikuma kuchukua hatua hii; sio nafsi yangu pekee bali wajibu nilionao hivi sasa kama mwakilishi umma.Izingatiwe kuwa baada ya mimi kuchaguliwa kuwa Mbunge na wananchi wa Mbeya tena kwa kishindo, Serikali kupitia Wizara inayohusika na utamaduni na pia Baraza la Sanaa (BASATA), walinipongeza kwa barua huku wakinitaka niendelee na harakati za kupigania sanaa na wasanii kwa kutumia nafsi au jukwaa langu jipya Bungeni na nje ya Bunge. Jukumu ambalo nililikubali kwa mikono miwili kwani harakati za muziki huu si kitu kipya kwangu, ulianza kabla ya Ubunge na ndio ninachokifanya na hasa ukizingatia mimi pia sasa ni Waziri Kivuli (Shadow Minister) wa Wizara ya Habari, Vijana na Michezo.
Kwa lugha nyingine ujumbe nilioutoa wa kukataa Fiesta ni ishara ya mgomo wenye nia ya kutuma ujumbe wa madai ya msingi. Na historia inaonyesha kuwa, Wasanii wa Nigeria walianza kulipwa vizuri kama wanavyolipwa sasa baada ya kuanzisha migomo dhidi ya mapromota wanyonyaji wa nchini kwao.Na kama ni suala la kukuza uchumi na ajira, Ni nini mchango wa Fiesta na matamasha mengine kwa halmashauri za mji na majiji wanayopita na kuvuna mamilioni ya fedha kila siku?
Wenu katika kutaka haki,
Joseph Mbilinyi (Mb)
9/7/2011-Mbeya Mjini

VURUGU ZA WAMACHINGA NA POLISI: chanzo chajulikana........

Vurugu za wamachinga na mgambo zilizotokea juzi jijini hapa, zimedaiwa kusababishwa na mvutano baina ya ofisi ya Meya na Mkurugenzi wa Jiji la Mwanza.

Madai hayo yalitolewa jana na Meya wa Jiji, Josephat Manyerere (Chadema), wakati akizungumza wa waandishi wa habari ambapo alidai kwamba ofisi yake haikupewa taarifa ya operesheni ya kuondoa wamachinga katika maeneo yasiyoruhusiwa kufanya biashara katika mtaa wa Makoroboi.

Alipofuatilia, alibaini kuwa hata ofisi ya Mbunge wa Nyamagana, haikuwa na taarifa ya operesheni hiyo, ambayo imesababisha watu saba kujeruhiwa na kwamba habari zilizoenezwa kuwa Chadema walihusika na vurugu hizo kwa sababu halmashauri

inayoongozwa na chama hicho ni ya uchochezi.

 Amesema kwa kuwa operesheni hiyo ni batili, amewataka wamachinga waendelee kufanya biashara katika maeneo ya Makoroboi, hadi suala lao litakapopelekwa kwenye Baraza la Madiwani, ili kutafutiwa utaratibu na maeneo yasiyo na bughudha. Mvutano huo wa kiuhusiano, umesababisha ofisi ya Mkurugenzi kutotoa ushirikiano kwa ofisi ya Meya na kutolea mfano wa uuzwaji wa viwanja katika eneo la Kiseke bila ofisi yake kujulishwa.

Aidha, ametoa wito kwa wamachinga kujitahidi kupanga bidhaa zao vizuri, ili watu wapate njia ya kupita na pia wasitumie vipaza sauti kutangaza bidhaa zao na kuhakikisha maeneo ya biashara yanabaki safi na wafanye biashara hizo kuanzia saa 10 jioni.

Amewaomba wenye misikiti na shule katika mtaa wa Makoroboi waendelee kuwavumilia hadi ufumbuzi wa kudumu utakapopatikana kutokana na kwamba kulegalega kwa uhusiano wa kikazi kumesababisha vurugu zilizotokea juzi.

KWA MTINDO HUU POSHO IKATWE TU:

Wabunge wanapata Mshahara,posho ya kuwa nje ya kituo ,posho ya ubunge FEDHA HIZI ni nyingi sana ukilinganisha hali ya umasikini nchini.

Kwa mtazamo wangu ikiwa sitting allowance ambayo kwa ujumla wake ikipunguzwa tutakuwa tumeokoa kama 900 Billion fedha hizi zikiamuliwa kupelekwa katika sekta ya ELIMU kuondoa kero ya waalimu kuishi madarasani kwa kuwajengea nyumba, kuondoa kero ya MAABARA katika shule za kata,ama kupelekwa katika sekta ya Afya, kama Taifa tutakuwa tumeinua kiwango cha maendeleo na tutamaliza tatizo kubwa sana tutaipunguzia serekali na walipa kodi mzigo wa fedha ambazo haziendi katika shughuli za maendeleo.

Wabunge nawaomba muitendee haki Nchi hii katika kipindi hiki ambachi ambacho maisha yanazidi kuwa magumu shilingi inashuka, kuna vijana wenzetu million 11 wanahitaji msaada waliopo mashuleni na vyuoni wanahitaji msaada. Posho 70,000 ni Tofali 350 za kuchoma kwa bei ya kule kwetu ,mara siku za vikao ,ni fedha nyingi tutapata mabweni, maabara,ama fedha hiyo utakuwa umesaidia vijana wengi kulipiwa ada ktk shule za Kata. Kwahiyo ni vizuri likaungwa mkono jambo hili la kukataa posho na kupunguza gharama za matumizi ili kuisaida Nchi

KAMA NOMA NA IWE NOMA::: Mhe. Mbowe ataka Posho zifutwe, Mashangingi yote yauzwe!!


KIONGOZI wa Kambi ya Upinzani Bungeni, Freeman Mbowe, ametaka yafanyike mabadiliko ya sera na sheria ili kuwezesha kuondolewa kwa posho kwa wabunge na watumishi wa umma na ununuzi wa magari ya kifahari ili fedha hizo ziwanufaishe Watanzania wote. Akizungumza bungeni  wakati akichangia hoja ya Bajeti ya Serikali, Mbowe alisema; "Tunachotaka Chadema sio kuwafutia wabunge posho, bali ni kufanya mabadiliko ya msingi katika sera zinazohusu posho," alisema Mbowe na kusisitiza:

 Hatuwezi kujenga taifa kwa kulipana posho kubwa namna hii. Kwa uhalisia ni kuwa posho, semina, ununuzi wa magari ya kifahari kwa viongozi wa serikali na wabunge na kusafiri kwa ndege kwenye madaraja ya juu vinachangia kuongeza umaskini wa nchi.

Mbowe alisisitiza kuwa vitu hivyo vinapaswa kufutwa haraka na fedha hizo zipelekwe kwenye maeneo ambayo yatakuwa ni ya manufaa kwa Watanzania walio wengi.Mbowe ameitaka serikali ifanye uamuzi wa haraka wa kuyapiga mnada mashangingi yote yaliyonunuliwa na serikali kwa  ajili ya vigogo serikalini.

Mzee CHILUBA, AMEFARIKI DUNIA!!!

Rais wa zamani wa Zambia, Frederick Chiluba, amefariki dunia, akiwa na umri wa miaka 68. Bwana Chiluba amekuwa na ugonjwa moyo kwa miaka kadha.
Rais Chiluba aliiongoza Zambia kwa mwongo mzima katika miaka ya '90, na baada ya kustaafu alishtakiwa kwa sababu ya rushwa.

Frederick Chiluba alipata urais wa Zambia mwaka wa 1991, wakati Afrika inaanza kuingiia katika demokrasi ya vyama vingi. Kabla ya hapo alikuwa kiongozi wa wafanyakazi.

Aliahidi kuleta mabadiliko lakini alipochukua uongozi Zambia ilikuwa imeshafilisika, naye aliacha rushwa kustawi. Alipojaribu kujiongezea muhula wa tatu wa madaraka, alipingwa. Pia alilaumiwa kuwa akipenda maisha ya anasa.

Baada ya kuondoka madarakani mwaka wa 2001, mrithi wake, Levy Mwanawasa, alimshtaki kwa shutuma za rushwa. Baada ya kesi ya miaka 6 kuhusu ubadhirifu wa mali ya taifa, Frederick Chiluba aliambiwa hakuwa na makosa. .

Lakini katika kesi nyengine iliyofanywa katika mahakama makuu ya London, Chiluba alikutikana na hatia ya kuiba mamilioni ya dola ya fedha za serikali ya Zambia, kwa kutumia akaunti kwenye mabenki ya London.

KAMBI YA UPINZANI YAIFUMUA BAJETI YA SERIKALI: wafuta posho, watangaza kima cha chini mshahara sh 315,000

Waziri Kivuli wa Fedha na Uchumi, Zito Kabwe

 Kambi ya Upinzani Bungeni imetangaza bajeti mbadala ya Sh14 trilioni na kubainisha upungufu mkubwa katika Bajeti ya Serikali, huku ikipendekeza kufutwa kwa misamaha ya kodi kwa kampuni za uchimbaji wa madini na mafuta na posho za vikao kwa watumishi wa umma, wakiwamo wabunge. Akiwasilisha bajeti hiyo bungeni, mjini hapa jana, Waziri Kivuli wa Fedha na Uchumi, Zitto Kabwe alisema hatua hiyo imelenga kuongeza mapato ya Serikali na kupunguza matumizi yasiyokuwa ya lazima.

Katika bajeti hiyo mbadala, kambi hiyo imesisitiza umuhimu wa ushiriki mkubwa zaidi wa umma na uchunguzaji wa utungaji na utekelezaji wa Bajeti, ili kuboresha uwajibikaji na kuziba mianya zaidi ya ufisadi na matumizi mabaya ya rasilimali za nchi.

Kambi ya Upinzani inapendekeza kupunguza misamaha ya kodi ikitaka isizidi asilimi...Soma zaidi http://www.kwanzajamii.com 

UKITAKA MTU ASIJUE PASSWORD YAKO: Tumia hii mbinu

Ukiona vipi tumia hii hapa....

Ukiona wadau wanazidi kupiga chambo......kazi ni kwakooooooooo!!!!!!

NONDOZ ZINATAFUTWA KWA KASI: hapa ni CBE Mwanza

Hapa ni CBE Mwanza, wanachuo wa kozi mbalimbali wakijiandaa na mitihani ya kumaliza mwaka na wengine kumaliza kabisa chuo. Mijadala ya vikundi imekuwa ikisaidia kujengeana uwezo miongoni mwa wanachuo.

Hebu fikiria ndo umetoka kwa discussion chuoni ama shuleni ama ukiwa na mitikasi yako, unaamua kwenda kwenye ATM na akili imechoka, ile kingiza kadi tu unakutana na hii hali..............

Mwana blogu wenu anawatakia wanachuo wote CBE Mwanza, CBE Dodoma, CBE DSM, SAUT, UDOM, UDSM na vyuo vyote tanzania mafanikio mema katika mitihani yote!

WAKATI SERIKALI INAPOTEKELEZA MIRADI YA MAENDELEO BILA KUWASHIRIKISHA WANANCHI: matokeo yake ndo haya.....

Hapa ni Hamuyebe - Ukerewe: 

Serikali imetekeleza mradi wa soko lakini kama unavyoona hakuna bidhaa ndani ya soko na jengo halitumiki kama soko. Pesa nyingi zimetumika lakini mradi hauwanufaishi wananchi maana hautumiki kwa shughuli za kuinua hali ya kiuchumi. Wakazi wa eneo hili wamelalamika kuwa jengo hili la soko ujenzi wake haukushirikishwa  wananchi na pia wananchi hawana bidhaa za kutosha kwenda kuuza humo sokoni:

Hebu angalia picha ya hapa chini uone kwa makini:

Kwa sababu ya uzalishaji kidogo wa mazao ya kilimo, pembeni kuna kibanda kidogo sana cha nyanya ambacho pia wateja ni wachache sana. Tunaiomba serikali iwashirikishe jamii wakati wa utekelezaji wa shughuli za maendeleo pia kuwekeza sana katika shughuli za kilimo ili kuinua kiwango cha mazao na ndipo hilo soko litatumika.

Sababu ya kuchelewa kuvua gamba ni lugha iliyotumika... hapo chini

Ni OPERATION???? AU OPARATION?????

UWAJIBIKAJI KWA UMMA: nyuma ya pazia hali ipo hivi.....

Watumishi wa umma ambao hawautumikii umma, bali wanajitumikia wao wenyewe.

 Wanasiasa wanaozungumza, lakini hawasemi lolote.

 Wapigaji kura ambao wanapiga kura, lakini hawamchagui mtu yeyote.

 Walimu wanaofundisha ujinga.

 Mahakimu ambao wanawahukumu watu na wanachukua mlungula.

 Wanajeshi ambao kila wakati wako katika mapambano na watu ambao inabidi wawalinde.

 Maaskari ambao hawawezi kuzuia uhalifu kwa sababu wako “busy” na mikakati ya kufanya uhalifu.

 Watu ambao wanazitumikia pesa.

 Wacha Mungu ambao badala ya kumhubiri Mungu kwa ajili ya mbingu wanamhubiri Mungu kwa ajili ya tamaa zao .

Madaktari ambao badala ya kuokoa maisha, wanayamalizia.

 Makandarasi ambao wanatengeneza majumba yanayoporomoka na barabara zenye mashimo.

 Wafanyabiashara wanaouza takataka.

 Watu wafundishao maadili lakini wao wakiwa hawana maadili.

KAZI NI KWAKOOOOOO!

Hii ndiyo mikakati ya serikali hii ya kuinua kiwango cha elimu nchini...Kumbuka leo ni Siku ya Watoto duniani. Je huu ni uungwana???

 Kipindi cha mitihani wengine hutumia mbinu hizi. Ili mradi kufaulu!!!!

 Ukiona wezi na vibaka wamezidi ....tumia hii mbinu hapa chini!!

 Kazi ni kazi ............ ni ubunifu na uwezo wako tu.

 Tunaikumbukaje siku ya WATOTO DUNIANI?1/6/2011

ETI KESHO NI MWISHO WA DUNIA???????

Nilisikia redioni, nikasoma mtandaoni na kwenye baadhi ya media, nikajionea na picha za watu wanaoamini kuwa kesho kutwa yaani tarehe 21 ni mwisho wa dunia, wanadai wamefunuliwa na ati imeandikwa hivyo ndani ya Biblia.  

Mwanzilishi wa UVUMI ama "UNABII" huo ni Mtangazaji wa na Rais wa Family Radio,  Harold Camping 
Camping anasema Tarehe 21 Mei ni siku ya unyakuo kwa wateule na kuwa miezi mitano baadaye yaani trh 21 Oktoba ndio mwisho wa dunia.  anadai hii ni kwa mujibu wa Biblia, japo sijaona popote anaponukuu andiko lisemalo hivyo. 
Kiasi gani mtabiri huyu yu sahihi? hii yanikumbusha Kibwetere wa Uganda. Je historia kujirudia???
Only time will tell. 
...and this is the Calculation as per Harold Camping:-

Another argument that Camping uses in favor of the May 21st date is as follows:

1. According to Camping, the number five equals "atonement", the number ten equals "completeness", and the number seventeen equals "heaven".

2. Christ is said to have hung on the cross on April 1, 33 AD. The time between April 1, 33 AD and April 1, 2011 is 1,978 years.

3. If 1,978 is multiplied by 365.2422 days (the number of days in a solar year, not to be confused with the lunar year), the result is 722,449.

4. The time between April 1 and May 21 is 51 days.

5. 51 added to 722,449 is 722,500.

6. (5 × 10 × 17)2 or (atonement × completeness × heaven)2 also equals 722,500.

Thus, Camping concludes that 5 × 10 × 17 is telling us a "story from the time Christ made payment for our sins until we're completely saved.

CHADEMA -IRINGA: nguvu zadi

PAMPERS: Ubunifu wetu

UFISADI WA RIDHIWANI KIKWETE, DR SLAA NINAMUAMINIA!!

Sakata linalomhusu Ridhiwani Kikwete,mtoto wa Mhe. Jakaya Kikwete-kwa upande mmoja,na Katibu Mkuu wa Chadema Dkt Willibroad Slaa na Mwenyekiti wa chama cha DP,Mchungaji Christopher Mtikila-kwa upande mwingine, lina ukweli ndani yake. Ndani ya siku saba zilizotolewa na Ridhiwani kwa Dr. Slaa na Mtikila ili wakanushe lakini ebu tuangalie mazingira ya hili sakata yamekaaje.

Ridhiwani ni mwanasheria kitaaluma,pia  ni mtoto wa Mhe. Kikwete,kwa maana nyingine ufisadi huu unamhusisha pia baba yake (kwa maana ya kutumia fursa ya urais kumnufaisha mwanaye) inatarajiwa kuwa suala hapa sio kujisafisha yeye tu bali pia baba yake. Lakini kwa kuwa Dr. Slaa ni makini haya mazingira ni mepesi sana kwake kuyashughulikia.

Dokta Slaa,wengi tunamfahamu kama mmoja wa wanasiasa adimu kabisa ambao ni nadra kutoa matamshi pasipo kuyafanyia utafiti wa kutosha na kuwa na uthibitisho. Dr. Slaa hayumbishwi na nafasi ya mtu katika chama na serikali hasa linapojitokeza suala la uwajibikaji. Na pengine Mchungaji Mtikila, wengi tunafahamu kuwa Mtikila na mahakama ni kama mtu na nyumbani kwake na bado anatambulika kuwa anapoamua kupigania haki basi atakwenda umbali wowote ule pasipo kuchelea madhara ya kufanya hivyo.

Jumatatu ndo tutajua ukweli maana kama ni  kweli ufisadi wa Ridhiwani ukithibitika basi ni pesa zetu ndo ametafuna na kujinufaisha yeye na familia yake.

Aluta kontinua!!!!!!!!!!!!!!

Hii imekaaje???

Oyaaaaaaaaaaa!!!!! Chunga sana!!

OSAMA AUAWA

Osama bin Laden Mwanzilishi na kiongozi wa kundi la kigaidi la Al Qaeda, Osama Bin Laden, ameuwawa na majeshi ya Marekani nchini Pakistan, rais Obama amesema. Kiongozi huyo wa al Qaeda aliuwawa baada ya makabiliano na wanajeshi wa Marekani nje ya mji wa Islamabad kwa mujibu wa taarifa za kijasusi. Bw Obama amasema baada ya ufyatulianaji wa risasi, majeshi ya Marekani yaliuchukua mwili wake. Bin Laden anashutumiwa kwa kuhusika katika baadhi ya vitendo vya ugaidi ikiwemo mashambulizi mjini New York na Washington, mnamo Septemba 11, 2001. Kifo chake ni pigo kubwa kwa kundi la al Qaeda lakini kuna hofu kuwa huenda kukatokea mashambulio ya kulipiza kisasi. Msako Bw Obama amesema taarifa za mahali alikojificha zilianza kupatikana Agosti mwaka jana. Kufuatia uchunguzi wa ujasusi waligundua amejificha mjini Pakistan. Wiki iliyopita rais Obama alitoa amri kwa shughuli ya ''kumsaka bin Laden'' kufanyika. Bw Obama amesema operesheni hiyo iliendeshwa na kundi ndogo la wanajeshi wa Marekani katika eneo la Abbottabad, kaskazini mwa Islamabad. ''Baada ya ufyatulianaji wa risasi, bin Laden aliuwawa na mwili wale kuchukuliwa na majeshi ya Marekani'' rais Barack Obama amesema. KUNRADHI kwa picha hiyo hapo chini.

Osama baada ya kipigo:

WASIFU WA OSAMA BIN LADENOsama bin Laden alizaliwa mwaka wa 1957, katika familia ya kitajiri nchini Saudi Arabia Ana zaidi ya ndugu na dada 50. Babayake Osama alimiliki kampuni kubwa ya ujenzi. Katika baadhi ya picha zake za utotoni, Osama ameonyeshwa akiwa amevalia mavazi ya kifahari na ya gharama kubwa, akiwa likizo katika miji mbali mbali barani Ulaya. Hata hivyo mwanzoni mwa miaka ya themanini alitapa mgongo maisha haya ya kifahari na kitajiri na kujiunga na vuguvugu la kupigania haki dhidi ya utawala wa Kisovieti baada ya majeshi yake kuishambulia Afghanistan. Wakati huo, akipigana pamoja na Waarabu wenzake, alizindua kundi la kigaidi la Al Qaeda. Mnamo mwaka wa 1998, alitangaza fatwa yaani vita vikali vya kidini dhidi ya Marekani. Osama alisema alikasirishwa na hatua ya Marekani kuweka majeshi yake katika ardhi ya Kiislamu, katika nchi mbalimbali Mashariki ya Kati. Alioa mke wake wa kwanza akiwa na umri wa miaka 17 na baadaye akawaoa wake wengine wanne. Osama Bin Laden anaaminika kuwa na watoto 17.

BUSU LA KUMBUKUMBU

Kushoto ni Baba, na Kulia ni Mwana. 

MAJAMBAZI YAKAMATWA JIJINI MWANZA

Jana majira ya saa kumi na dakika kadhaa jioni jeshi la polisi mkoani Mwanza limefanikiwa kuwatia nguvuni watu wanne wanaotuhumiwa kwa kufanya ujambazi wakiwa na bunduki moja aina ya smg na bastola mbili moja ikiwa na risasi 12 na na ya pili ikiwa na risasi 2. Kwa mujibu wa kamanda wa jeshi la polisi Mwanza Simon Sirro amesema kuwa watu hao wamekematwa katika eneo la mtaa wa libert jirani na benki ya NMB wakiwa kwenye harakati za safari kuelekea Nyegezi ambako walipanga kwenda kufanya uvamizi kwenye duka moja. 

RISASI 14.
Raia wema ndiyo waliofanikisha kukamatwa kwa majambazi hao kwa kutoa taarifa kwa jeshi la polisi ambao nao bila ajizi walifuatilia nyendo za majambazi hao na hatimaye kufanikiwa kuwatia nguvuni.

BASTOLA ZILIZOKAMATWA.
Awali majambazi hayo yalivamia bar moja eneo la kilimahewa na kuwalaza watu chini kisha kupora mali zao na kuiba bastola ya mteja mmoja. Majambazi hayo yaliyokuwa katika gari dogo yalipostukia kuwa yanafuatiliwa yalianza kufyatua risasi hovyo hali iliyosababisha shughuli za biashara kwenye eneo la tukio kusimama kwa muda. 

Wawili kati ya majambazi hayo manne hali zao ni mbaya na wamepelekwa hospitali ya Rufaa Bugando, mmoja katwangwa risasi mguuni na takoni ile hali mwingine sugu anayetambulika kwa jina maarufu 'Askofu' akiwa amevunjika mguu kabisa kwa kutwangwa risasi wakati alipojaribu kuitoroka mikono ya polisi.

Jeshi la polisi mwanza linaendelea kufanya uchunguzi zaidi juu ya tukio zima ambamba na kuwahoji watuhumiwa wote wanne wa mkasa huo.

GAMBA LIMEVULIWA LAKINI SUMU IPO PALEPALE

Kitendo cha CCM kuja na kiini macho cha kujivua gamba na kubakia na sumu kimezua tafsiri mbalimbali. Nyoka akitaka kuvua gamba anatoa lote kuanzia kichwani hadi mkiani lakini gamba la CCM limetoka kidogodogo tena kifuani tu! Hivi ni gamba gani hili? la mjusi? ,kenge?, mamba? Tena wameweka na muda ndani ya siku 90. Hilo  ni gamba? Au ukurutu? Kwa nyoka gamba linamsaidia tu kujikimu bali sumu yake ndo silaha.

Watu walioonekana ni gamba la kuvuliwa kama akina Makamba bado ni kiini macho maana kama kweli CCM ina nia mathubuti basi haina haja ya kuweka muda wa siku 90. Hata kama tukiamini kuwa gamba litaondolewa, Je sumu je??? Sumu ya CCM iko katika muundo wa uongozi wa chama, sera zake zisizokidhi mahitaji ya jamii, uwezo mdogo wa viongozi, n.k. Na kama nyoka akivua gamba basi hilo gamba halina thamani tena linakanyangwa tu na kuoza ama kutupiliwa mbali na upepo. Kiini macho ni kuwa wale walioonekana kama gamba kwa CCM wakavuliwa cha kushangaz ani kuwa bado wana nyadhifa nyeti katika serikali ya CCM. Kama CCM wana nia ya dhati na falsafa ya KUJIVUA GAMBA  basi hiyo falsafa itumike serikalini ambako hayo magamba yapo.

Lakini pamoja na kiini macho hicho cha CCM hebu tujiulize maswali haya:

Je, gamba hili la CCM lililovuliwa hivi karibuni liliota lini au alizaliwa nalo? Au ni kipindi hiki cha awamu ya nne ndo gamba lilionekana?

Je gamba hili litachukua muda gani kuota tena?

Ok, CCM wauelezee umma athari ilizokuwa inapata jamii kwa gamba lake.

NAOMBA KUTOA HOJA.

Leo ni HEPI BESIDEI YANGU!!!

Thanks, asanteni kwa maombi yenu!!!!

BREAKING NEWS !!!! GBAGBO AKAMATWA!!

Hatimaye,Laurent Gbagbo amekamatwa kama Saddam Hussein akiwa amejificha shimoni huku jasho likimchuruzika. Ameondoka kwa aibu, pingu mikononi huku akipewa taulo ajifute jasho. Aliloa kuanzia kichwani hadi unyao. Alionekana kuchanganyikiwa akijifuta jasho hata kwenye makwapa bila aibu. Ni furaha iliyoje imla mwingine kuangukwa kwa kila aina ya aibu!Kwa habari zaidi, Bonyeza hapa.

MBOZI WAJA NA STAILI MPYA YA TIBA: Huko ni MATONE ya Uponyaji

Nabii Joshua Mwantyala akiwanyunyuzia maji ya tiba wananchi waliokusanyika katika mkutano wake wa Neno la Mungu la uponyaji na kuwaombea wagonjwa wote wenye magonjwa sugu kama vile Ukimwi, Kansa na mengineyo. Nabii Joshua juzi alianzisha huduma ya tiba yake inayojulikana kama majibu ya tiba ya maajabu ya Loliondo ambapo yeye hutoa matone ya maji ya uponyaji.ambayo huwanyunyuzia wagonjwa vinywani.